ភ្នំពេញ៖ នាយករដ្ឋមន្រ្តីកម្ពុជា សម្ដេចតេជោ ហ៊ុន សែន សង្ឃឹមថានឹងគ្មានប្រទេសនាំកម្ពុជាឱ្យធ្លាក់ចូលក្នុងសង្គ្រាមវិញទេ ខណៈសម្ដេចប្រកាសមិនអត់ឱនឱ្យទេចំពោះអ្នកដែលចង់បំផ្លាញសន្ដិភាពនៅកម្ពុជា។

ថ្លែងក្នុងពិធីប្រគល់សញ្ញាបត្រជូននិស្សិតវិទ្យាស្ថានខ្មែរជំនាន់ថ្មី ព្រឹកថ្ងៃទី៦ ខែមីនា ឆ្នាំ២០២៣ សម្ដេចតេជោ ហ៊ុន សែន បានថ្លែងថា បំណងរបស់មនុស្សខ្លះបានធ្វើឱ្យកម្ពុជាមានកង្វល់ទាក់ទងនឹងបញ្ហាសង្គ្រាមដែលអាចនាំមកជាថ្មីដោយបរទេសទាំងនោះ។

សម្ដេចតេជោថា៖ «សង្ឃឹមថាអ្នកនឹងមិនដុតកម្លោចដោយជួយផ្ដួចផ្ដើមនូវអ្នកធ្វើបដិវត្តន៍ព័ណ៌បង្ករសង្គ្រាមនៅកម្ពុជា»។

សម្ដេចតេជោបន្ថែមថា ពេលខ្មែរស្លាប់បរទេសព្យាយាមរត់ចោលកម្ពុជា តែពេលមានសន្ដិភាពពួកគេបានត្រលប់មកវិញដើម្បីរិះគន់យើង។

សម្ដេចបន្ថែមថា៖ «សង្ឃឹមថាអ្វីដែលខ្ញុំនិយាយនេះអាចជាការដាស់តឿនអ្នកដទៃទៀតកុំកសាងកំហុសទី៣ ដែលខ្ញុំនិយាយកាលពីប៉ុនថ្ងៃមុន»។

ជាមួយគ្នានេះសម្ដចតេជោបានលើកឡើងដែរឬថា «ប្រទេសណាក៏ដោយដែលគាំទ្ររដ្ឋប្រហារលន់លន់ គឺសុទ្ធតែមានចំណែកក្នុងការដុតបំផ្លាញកម្ពុជា»។

សម្ដេចនាយករដ្ឋមន្ត្រីស្នើដល់ប្រទេសទាំងនោះមើលលើស្នាមដៃរបស់ខ្លួននៅកម្ពុជានិងប្រាប់ឱ្យឈប់និយាយបន្តទៀត៕